Endamálið er at kanna hjartaheilsuna hjá alilaksi
Laksaaling er ein av týdningarmestu vinnunum í Føroyum, og fyri at vinnan skal vera burðardygg er umráðandi at tryggja góða heilsu og vælferð hjá fiskinum frá rogni til slakt. Seinastu árini hevur vaksandi fokus verið á hjartaheilsu hjá alilaksi, tí aldur laksur kann fáa trupulleikar við hjartanum, eitt nú krúnulívuæðrasjúku og meira avskeplað hjørtu. Kanningar av alifiski, sum er deyður í sambandi við strongjandi umstøður, benda á, at slík frávík oftari síggjast hjá hesum fiskum. Eisini vísa starvsstovukanningar, at fiskar við slíkum broytingum í hjartanum eru minni robustir og hava verri evni at tola strongjandi umstøður.
Endamálið við PhD-verkætlanini er at kanna hjartaheilsuna hjá alilaksi og at fáa eina betri fatan av teimum viðurskiftum, sum kunnu ávirka hana. Úrslitini vísa millum annað, at skjótur vøkstur bæði á smoltstøðunum og á sjónum kann hava eina neiliga ávirkan á hjartaheilsuna hjá . Samstundis benda kanningarnar á, at hjørtuni hjá føroyskum alilaksi líkjast meira hjørtunum hjá villum laksi enn tað, sum áður er víst í kanningum av alilaksi úr norskari alivinnu.
